拉封丹寓言集1：蟬á kah狗蟻（讀墨電子書）

「世界文學台讀少年雙語系列」以建立青少年對在地主體ê認同以及hùn闊ê世界觀為目標，按算thai選各國世界名著，以台文進行忠於原典ê翻譯轉寫，收錄原文雙語出版。透過台灣話閱讀經典文學ê真髓，引 tshuā讀者認bat各國無仝時間、空間ê真實面腔kap文化內涵。 《拉封丹寓言集》是歷史上三大寓言詩之一。作者拉封丹機巧運用咱人對動物ê主觀印象，表面輕描淡寫動物kah自然界ê日常世事，比論無仝社會階層ê人in自大自私、痟貪、盲目、固執等人性。詩歌筆花講數百年ê歷史古，有〈蟬á kah狗蟻〉、〈狐狸kah鶴〉等22篇動物故事，飽滇ê創意kap趣味ê思考，大人囡仔會有多樣ê領會。 【出版贊助】 天母扶輪社、北區扶輪社、明德扶輪社 至善扶輪社、天和扶輪社、天欣扶輪社 本冊特色 1.    世界文學經典「拉封丹寓言集」首度台法直譯，世界歷史三大寓言詩之一，透過台語表現拉封丹講古ê氣口kap智慧。 2.    附台語有聲朗讀QRcode，配合故事情境ê精彩配樂，閱讀對照無負擔，台法學習真利便。 3.    精彩插圖表現22篇經典寓言故事情節、硬精裝典藏。 名家推薦 楊婉儀　國立中山大學哲學研究所教授兼所長 潘怡帆　東海大學哲學系副教授 魏聰洲　法國社會科學高等學院歷史與文明博士 鵜戸聡　明治大学国際日本学部副教授 關首奇　法國里昂第三大學中國文學語言學系副教授兼主任 林豪森用khue-hâi、心適ê字目hō tsit本十七世紀ê法國文學經典新ê性命，mā呈現台語ê新創，是正扮koh跨時代 ê文學語言。祝福tsit本冊！──關首奇（法國里昂第三大學中國文學語言學系副教授兼主任） Chit pún gū-giân chi̍p ē thang oân-sêng Tâi-gí hoan-e̍k kap chhut-pán, lán ū-iáⁿ chin hoaⁿ-hí. Goân-bûn sī siá chòe si-kù ê hêng-sek, che hō͘ lán leh hoan-e̍k ê sî ke-thiⁿ bōe-chió khùn-lân. Ka-chài, iā chèng-lâng ê kian-sim kap hù-chhut chit ê sū-kang ē-tàng kòe-pe̍h. Chit khoán gū-giân kó͘, tha̍k tio̍h m̄-nā hō͘ lán exotic ê sim-sek khùi, koh hō͘ lán àn chiah-ê kò͘-sū nih thang ke-kiám lí-kái, thé-hōe in se-hng lâng khòaⁿ-thāi jîn-chêng sè-sū ê chi̍t kóa thài-tō͘ kap chhú-lí ê lí-lō͘, iā tio̍h sī tui-kiû bīn-tùi jîn-seng ê lí-sèng kap tì-hūi. Chit tiám ke̍k ū kè-ta̍t. ──林裕凱（真理大學台灣文學系助理教授、台語詩人、歌仔冊作家、本冊潤稿者）   編者簡介 計畫主編、台文譯者｜陳麗君 Tân L ē-kun 國立成功大學台灣文學系教授。新營人。專長領域是台灣原住民、新住民、台語族群等跨族群、語言的社會語言學現象kap 教育政策研究。編著《台語ABC 真趣味》、《台語拍通關》、《亞洲婚姻移民女性》、《新移民、女性、母語ê 社會語言學》等專書。 繪者簡介 插畫｜吳雅怡 Asta Wu Ngôo Ngá-î 現此時是專職ê插畫家，畫插圖、畫繪本mā畫圖像小說，啖試各種創作ê方式，目前tng-leh往寫故事ê方向伐進。佮意神話、民俗傳說kah貓咪，上愛tī作品內底藏小動物kah tsē-tsē 無仝款式ê彩卵。（astawu.com　IG：Asta Wu） 美術編輯｜吳芃欣 Ngôo Hông-him 國立台灣藝術大學視覺傳達設計學系畢業，伊走跳tī設計、手工藝、品牌經營ê相關產業，只要是設計攏是伊ê專門kah興趣。毋管靜態ê 平面、立體iah-sī資訊影音ê 動態多元素材，lóng專心投入拍拚。 朗讀者簡介 有聲朗讀｜黃薰誼 N̂g Hun-gī 成大台文系一年á ê 學生，自出世就是厝--裡「阮兜講台語」ê 實驗品，tsit-má mā 繼續leh學台語。 有聲朗讀｜吳宜珊 Ngôo Gî-san 今年讀成大台文系二年仔，kah-ì 看小說，有當時嘛提筆創作，是一ê尊敬文學kap想欲和文學談戀愛的大學生。 有聲朗讀｜李建穎 Lí Kiàn-íng 台南人，目前讀台南一中，自細漢就開始訓練台語朗讀佮字音字形，捌著全國語文競賽台語字音字形國中、國小組頭名，高中組特優。 譯者簡介 台文翻譯｜林豪森 Lîm Hô-sim 進前tī法國讀冊，這馬tī法文系教冊；同齊時mā是成功大學台灣文學系博士候選人。逐工leh做台灣話kah法文ê翻譯。 台文潤稿｜林裕凱 Lîm Jū-khái Ū tòe tio̍h Tâi-bûn ūn-tōng ê me̍h-tōng, àn 1991 nî khai-sí o̍h siá Tâi-gí bûn kàu taⁿ. Bu̍t-lí phok-sū pìⁿ chòe Tâi-bûn lāu-su. Chiok ài kap lâng thàm-thó Tâi-gí bûn chhòng-chok su-siá ê li-li-khok-khok ê būn-tôe. Chòe-kūn, àn 2020 kàu 2022 kap lâng ha̍p-chok chhut-pán 3 pún Tâi-oân bûn-ha̍k koán kè-ōe hō͘ gín-á lâng tha̍k khòaⁿ ê hōe-pún kò͘-sū chheh. 台文潤稿｜邱偉欣 Khu Úi-him Tī德國提著生物學博士，mā tī大學ê生命科學系教過幾冬，chit-má koh 走來成功大學台灣文學系讀博士班；推廣台語ê科普書寫，做文學ê事工，mā兼做語言學研究。 台文校對、朗讀指導｜謝惠貞 Tsiā Huī-tsing 台南人，tī國小教台語，向望透過教學會當hōo lán ê囡á愛講台語，hōo 台語繼續流傳--落去。 法文校對｜康夙如 Khng Siok-jû Tī文藻外語大學法文系教冊ê 副教授。