傲慢佮偏見─台語版（讀墨有聲書）

簡介 因為愛情，予伊放下傲慢，改頭換面 因為愛情，予伊智覺偏見，激出真情意 珍．阿斯頓傳世的浪漫經典《傲慢佮偏見》 這回，咱用台語來啖愛情的鹹酸苦汫、糖甘蜜甜 英國庄跤有一位班奈太太，伊透世人的願望，就是欲將五个查某囝全嫁 出去。有一日，一位貴公子賓利按算佇班家附近稅厝做厝邊，班奈太太 就想空想縫，步數盡展，欲來將查某囝佮伊捒做堆。 舞會的時，班家的大漢查某囝珍佮賓利一見鍾情，但是第二查某囝伊俐 莎白，煞因為一時的態度佮誤會，對賓利的好朋友達西無好印象。後來 更加因為各種事件佮使弄，予伊俐莎白對達西有濟濟偏見。 兩人原是門不當、戶不對，無話無句不投機，那知達西是一下煞著，雙 方膏膏纏，結果冤家冤甲行鬥陣。一个是好額緣投、驕傲苛頭的貴公 子，一位是聰明伶俐、厚思量的二小姐，𪜶的愛情，是按怎佇傲慢下底 的真實面腔佮偏見背後的真相觸纏之間，沓沓仔變化發穎？一場險險仔 相閃身的青春戀情，閣加一味台語，心適媠氣、氣口飽滇！ 作者 作者：珍．奧斯汀Jane Austen，1775-1817 一位真有代表性的英國女性作家。伊出世佇庄跤的牧師家庭，雖然無受過完整的正規教育，但是自細漢就誠愛閱讀寫作，經由自學佮厝內的知識教養，伊十外歲開始創作，就此顯露筆花佮文采。 珍．奧斯汀的作品，大部分是以家己佇英國庄跤出身、生活的中產階級日常做背景。19世紀英國社會的人情世態、風俗習慣、婚姻戀愛，攏是伊主要的創作題材。透過自然活跳、趣味詼諧的語言，靈活機巧的好禮雅氣、話帶心機，雕琢人物的個性佮精神，呈現英國文化佮社會的面貌佮底蒂。 珍．奧斯汀有六部重要的長篇小說傳世，其中的《傲慢佮偏見》（Pride and Prejudice）是伊上蓋流行、上有影響力的作品。出版了後，毋但有濟濟讀者佮意愛讀，閣經過電影、電視劇的改編佮各種延伸改寫，對後世作品有誠重要的啟發，成做當代浪漫小說的原型經典。 目錄 01 第一章 02 第二章 03 第三章 04 第四章 05 第五章 06 第六章 07 第七章 08 第八章 09 第九章 10 第十章 11 第十一章 12 第十二章 13 第十三章 14 第十四章 15 第十五章 16 第十六章 17 第十七章 18 第十八章 19 第十九章 20 第二十章 21 第二十一章 22 第二十二章 23 第二十三章 24 第二十四章 25 第二十五章 26 第二十六章 27 第二十七章 28 第二十八章 29 第二十九章 30 第三十章 31 第三十一章 32 第三十二章 33 第三十三章 34 第三十四章 35 第三十五章 36 第三十六章 37 第三十七章 38 第三十八章 39 第三十九章 40 第四十章 41 第四十一章 42 第四十二章 43 第四十三章 44 第四十四章 45 第四十五章 46 第四十六章 47 第四十七章 48 第四十八章 49 第四十九 50 第五十章 51 第五十一章 52 第五十二章 53 第五十三章 54 第五十四章 55 第五十五章 56 第五十六章 57 第五十七章 58 第五十八章 59 第五十九章 60 第六十章 61 第六十一章