你佇風中行來

＜內容簡介＞ 曾美滿長年創作台語詩，透過文史耙梳、田調或史料閱讀激發作者執筆的動念，以政治受難者視角或社會弱勢、世界不公義的事件或故事為創作書寫的對象，如鄭南榕、陳澄波等，作品更獲得各大台文詩獎的肯定。詩集分成三卷，除了白色恐怖受難者、重大政治事件為主題，或是以地誌詩、天災、人物、地景、族群等，還有抒情的小品。 ★本書特色： ☆ 曾美滿透過台語詩創作，為在228或白色恐怖犧牲喪命的人們發聲。 ☆ 本書獲國藝會創作、出版獎助 ★名人推薦： 胡長松 專文推薦 方耀乾（國立台中教育大學台灣語文學系前特聘教授兼系主任） 何信翰（國立台中教育大學台文系教授） 陳建成（台江台語文學季刊總編輯） 呂東熹（公視台語台台長） 鄭順聰、王羅蜜多、洪明道（作家） 李長青、黃明峯（詩人） 張嘉祥（小說家、裝咖人樂團主唱） 陳珊妮（歌手、金曲音樂創作人） 聯合推薦 方耀乾（國立台中教育大學台灣語文學系前特聘教授兼系主任） 這是前到今女詩人當中，以台灣社會、歷史、政治為主題寫了上深入、上媠氣、上有感情的一本台語詩集。 何信翰（國立台中教育大學台文系教授） 雖然世間有真濟悲傷的故事；雖然咱的人生往往會有打擊，佳哉，咱猶有文學：佇這本詩集內面，詩人用伊溫暖的筆觸，安慰共受苦的人，用肯定和理解，欲來醫治遮的傷痕；伊欲用一首一首的詩，鬥出台灣的hit段歷史；畫出咱身軀邊的圖像。透過這本詩集，咱講會當理解：世事可能無法度圓滿，但是咱會當透過文學，予伊變kah閣khah美滿。 陳建成（台江台語文學季刊總編輯） 真歡喜聽著美滿老師欲出台文詩集。美滿老師是傑出的女詩人，因為編輯台語文學雜誌的因緣，幾偌年前就開始接觸著伊的詩作，讀過袂少首，真佮意伊幼路雅氣的詩風，特別是有系統的書寫台灣民主路上受難的前輩，溫柔中帶一份女性罕有的俠氣，流露的毋止怹的悲情苦難，嘛隱隱塑出傳世的義理、風範，佇遮，推薦予逐家鬥陣來欣賞。 呂東熹（公視台語台台長） 讀曾美滿的詩，就像親吻土地的滋味，散發著清香的泥土味，又沾黏著濃醇的人文情懷。詩人寫情、寫愛，容易動人心懷，吸引文青讀者；詩同時也是一種抵抗，標示一個時代的印記，美滿詩人將時代的抵抗意識，牽引而出，不同篇幅的詩作，一幕，一幕，如時代劇集的人物躍動，一齣，一齣的劇情，都滿載著人與土地的詩魂，令人感動。 鄭順聰（作家） 用詩句寫歷史做「史詩」，會當講是詩人上硬篤的穡頭。 曾美滿共準鹽，一粒一粒來拈，一搣一搣和目屎抐做苦澀的鹹水。 幼膩的手勢、燒烙的聲說、慈悲的心腸，共鬱卒、稀微、痛苦⋯⋯鋪排甲遐爾仔光焱，這是闊閬閬的台語詩洋。 時間真美滿，傍詩來加圇。 王羅蜜多（作家） 美滿的詩，毋管是寫歷史悲劇英雄、社會事件，抑是親情友誼，攏有溫馴婉轉的特色。仝款題材，誠濟人用尖利批判的語詞大聲喝咻，佇伊的詩中卻是落筆輕輕，就予人讀甲內心絞起大風湧，哀慼久久無法度消退。這款手路來自寫詩的功力，也因為伊對台灣這片土地深刻的愛心佮疼心。 李長青（詩人） 美滿文如其名，有著豐美、濟美的本土認同意識，更有滿斟、滿載的文學寫作經歷。 美滿台語詩，含括台語的蘊藉與氣口，以及詩的聲腔質素，允為21世紀台灣台語詩一股新浪潮！ 黃明峯（詩人） 一个人一个故事，一个故事一段歷史。歷史，是永遠寫袂了的詩。 一个所在一份情，一份情一段記持。記持，是囥佇心內上媠的畫。 美滿有一粒柔軟的心，因為柔軟，就會使想像故事中人物的心情，就會使描繪城市中風景的色水。 詩集上特別的是美滿把握著台語聲韻的節奏、韻律，結合台灣歷史發生的事件，創作出一種感動人心的「悲劇美學」，予詩作的「人」展現出現實之外的詩化意義。 伊講：「彼本冊，䖙佇桌頂／展開叫母語」，我講：美滿這本詩集，是種佇台灣土地的花蕊，愈看愈媠，愈開愈有芳味。 洪明道（作家） 歌詩是反變語言，共語文楦闊的文體。誠濟弱勢語文咧復興，攏是詩起頭的。 曾美滿老師共二二八、白色恐怖寫甲透。伊有時追思過去，佮受難者用歌詩咧講話。伊有時徛佇受難者的角度看世界，共受難者的氣口寫了誠活，讀起來真正會鑿心肝。 老師嘛gâu用「迴行」(enjambment)，共語句拆散，讀起來滋味就誠無仝。 我這个少年輩的，對老師遮學著誠濟。台語詩會當按怎寫？台灣歷史敢閣有別款寫法？咱會當自遮共台語文學楦予閣較闊。 張嘉祥（小說家、裝咖人樂團主唱） 彼工是佗一工？是誰的彼工。佇詩集中有真濟彼工，彼工是失蹤彼工，彼工是被槍決彼工，彼工是入監獄彼工，彼工是你查某囝出世彼工，但是遮濟彼工攏永遠留佇彼个時間線，我想若是有靈魂存在，彼工就是咱信仰所寄託的所在，佇美滿老師的詩中，咱會使偷看見彼寡靈魂發光的空隙。𪜶永遠生活佇遐，有時陣會離開彼个發光的所在，自風中行來，看顧親人後代，閣有𪜶寄望的土地。 陳珊妮（歌手、金曲音樂創作人） 第二次在演出尾聲朗讀〈你的目睭有一面鏡〉，我已將這首詩通篇記下，背對陳澄波的玉山積雪，瞥見台下觀眾濕了眼眶。 曾美滿的作品，帶我見識台文詩的美。原本想讀另一首詩，卻深怕自己哭出聲的，便是這本詩集的書名，關於鄭南榕的〈你佇風中行來〉。 盼望在下一個時代轉折點，我們能因為一首台文詩，憶起台灣人的故事，在文明的寬容中，做出屬於我們的，最好的選擇。 ★目錄： 各界推薦 推薦序　序曾美滿的詩集《你佇風中行來》╱胡長松 卷一　故事 228 ê 詩人 獄外之囚 這一工 骨氣 有聲 外衣 故事 草仔 託夢 記持咧飛 恬恬無聲 失落 ê 批信 佇遮 伊咧看一齣電影 走揣你 ê 名 薰紙頂 ê 批信 六張犂安魂曲 我無佇咧 ê 時 你佇風中行來 無愛培墓 ê 阿媽 哀傷 ê 女伶之歌 刺線網頂 ê 玫瑰 一逝傷心 ê 航程 你 ê 目睭有一面鏡 你是一張白色 ê 批信 自由是一首刣袂死 ê 詩 卷二　這个城市 挖空 野柳 記持 這个城市 南庄印象 海口之歌 來去鹿港 告別淡水 四月望春雨 台語課本 純園黑泥季 請𤆬我轉去 梨仔瓜ê 滋味 入江湖讀風聲 十八彎仔擔鹽古道 布袋戲一代宗師黃海岱 孤兒院 ê 查某囡仔 共詩人借一搣種子 春天佇西螺看著濁水溪 故鄉是一張手繪 ê 地圖 等 拍賣228 卷三　送行 病毒 送行 落雪 曆日仔 雨中玫瑰 讀你是一首血色 ê 詩 鏡咧眠夢 清明落雨時 春天佇佗位 想欲閣見著你 綴一張相片追憶 月台頂失落ê青春 路過．台北 ＜作者簡介＞ 曾美滿 筆名阿蠻，國立中正大學台文所畢業。作品曾獲台灣文學獎台語新詩創作金典獎，台文戰線文學獎台語詩頭獎，雲林文化藝術獎新詩首獎，小說首獎及報導文學獎，台中文學獎台語詩第一名，桃城文學獎台語現代詩第一名及華語詩獎。教育部閩客文學獎教師組台語現代詩獎，台南文學獎台語現代詩獎，打狗鳳邑文學獎台語現代詩獎等。 首本華語詩集《月光女孩》入選「雲林縣作家作品集」。 台語詩集《你佇風中行來》獲國藝會創作、出版獎助。 ★內文試閱： 228 ê 詩人 聽講 228 ê 詩人有一枝筆 是銃管拗曲夯袂直 ê 筆 時間磨過筆尖 利勝刀劍 刣落 ê 歷史字骨 逐字 攏是沐血的斷句 詩人愛寫詩 佇霧夜暗暝的燈下 白色紙頂湠開烏漚 ê 記持 肅靜中鑿迵4 幽幽仔疼 ê 心思 疼，怎樣是動詞 未落筆，哀傷 已經旋藤 詩人躊躇 起筆欲寫一首詩 送予親愛的母親佮妻子 觸纏袂斷 ê 字句 敢是 思念傷重生死傷輕 永遠讀袂著，彼張 批信 詩人真正有寫詩 斷節青春掩崁 ê 名字 描繪無人知 ê 過去 寄佇風雨藃蟶 ê 日子 恬恬軋入塗沙 彼日，有人讀起著你 堅忍心性，無聲 若像一逝 殕色 ê 詩 獄外之囚 ──讀何川絕命詩有感 1950 年hit 工 你欲離開 ê 時 風　恬喌喌 日頭無膽　煞覕佇 烏雲ê後面 當熱ê六月天 光映映 ê 日時 若像無月 ê 暗暝 罩著哀愁 ê 雺霧 遮斷　漸漸消失去 ê 身軀身 自按呢 你無閣來返 時間長甲變成一張 可恨ê批信 寫袂滇疼痛 寄袂出心悶 佇無聲無說 ê 日子當中 掩崁命運 無色 ê 血跡 定定鋪排佇 天褫開貓霧仔光 彼時　烏夜將盡 阮重重展開日記 借著彩霞光線 用你 ê 形影 繡補 一tshng 一tshng 針揻 ê 空喙 濟年後 ê 今仔日 我已經無法度 閣想你 最後一擺我共記持掛上鎖匙 向望 佇你揣著阮進前 就予我　先將家己 暫時 放袂記… 註：何川（1924–1951），白色恐怖受難者1951年6月17予銃決佇台北馬場町。何川予銃決彼年家後陳素秋女士20 歲，伊終身無改嫁孤單撫養囝兒長大成人。六十幾冬過去矣，一直到思念綴著伊失智ê記持漸漸來消失，歷史事件嘛掩崁拍毋見…… 以這首詩向這一段亂世悲絕堅貞不移ê愛情故事致意。 附錄何川（華文）絕命詩： 當彩霞顯露的時候 黑夜即將破曉， 我含笑的仰視著它， 不知是白天還是夜晚， 到時候，請你用溫暖的手 來擁抱我的遺骸。 這一工 這一工 我慣勢點一枝薰，薰煙飛湠 雺霧ê事件佇冊頁縫隙 躡跤尾行──過 銃管khà 頭ê年代，血跡已經焦蔫 聽講，寡婦跪佇塗跤咧啼哭 哭聲喊喝，共日子佮歷史 háu 做一陣白色煙霧 這一工 拋荒 ê 墓塚剷開鑿傷ê記持 記持，滲出烏色目屎 慢慢仔流過時間倒做一頁見本 見本，曆日仔頂紅色ê 228 假日 這一工 欲紀念按怎 ê 紀念日？ 這一工，學生笑甲裂獅獅ê 喙，彎做一支箭 斜目瞭著1947年那痕 燒熱發癀 ê 空喙